Multi-billion PPP project ginaplano sang siudad upod sa water concessionaire agud masolusyonan ang problema sa water supply.
Tuyo ni Mayor Albee Benitez nga batunon ang proposal sang Maynilad Water Services Incorporated nga magtukod sang bulk water supply project kag magserbisyo sa mga konsumidor.
Ini agud man masolusyonan ang malawig na nga problema halin sa kalidad sang tubig kag supply gikan sa Baciwa – Primewater.
Suno sa alkalde kabahin sa multi-billion project sang water concessionaire ang pag-install sang bag-o nga water pipeline system.
Plano sang alkalde nga paagi sa public private partnership project mas mapasanyog ang water supply distribution sa siudad.