Wala sang plano si Movie and Television Review and Classification Board Chairperson Diorella Maria Lala Sotto-Antonio nga bawion ang desisyon sang katapo sang MTRCB angut sa 12-day suspension kontra sa noontime show nga It’s Showtime sang ABS-CBN.
Suno kay Sotto-Antonio, gintagaan sang ahensya sang 15-days ang ABS-CBN para mag-submit sang motion for reconsideration angut sa desisyon. Nangin unanimous ang decision sang katapo sang MTRCB board bahin sa suspension bangud man sang nakit-an nga indecent manner sa cake-icing incident sa isa sa mga segment sang noontime show. Tubtob buas sarang pa maka-air ang noontime show.
Samtang, ginpatigayon man nga orientation seminar sang MTRCB sa Bacolod kag Victorias City, ginpathag sang pamunuan sang MTRCB nga ang ahensya ang wala nagahatag sang censorship, sa baylo nagahatag sila sang classification ratings para sa pelikula kag TV programs.
Ginklaro man nila nga ang MTRCB ang wala nagalagas sa mga talents sang show ukon TV programs kundi ang mga networks kag production nga sakop sang ila mandate sa idalom sang Presidential Decree 1986.
Ang ginapatigayon nga “Responsableng Panonood” orientation and seminar upod sa mga ginikanan kag katapo sang academe isa man sa mga tikang sang ahensya agud mapasiguro nga “safe” ang pagtan-aw sang mga kabataan sang mga movie kag tv programs nga sarang man ma-access sa mga cellular phones.