Doble ang kadalag-an nga naangkon sang bodybuilder nga si John Garcia sa ginhiwat nga search for Mr Bacolod 2022 sa Ayala Mall sang Martes.
Ini bangud magluwas nga napili nga kampeon sa men’s physique tall category, nakuha man sang 29 anyos nga contestant ang “yes” sang iya longtime girlfriend nga si Jesa Mojares, 31 anyos.
Mismo sa tunga tunga sang kompetisyon nag-propose si Garcia sa iya kahagugma nga labi man nga ginkakunyag sang mga tumalan-aw.
Istorya ni Garcia, sinemana man nga ginpaligban niya ang pag-propose sa iya kahagugma samtang masako nga nagapanghanda sa ika lima niya nga bodybuilding competition.
Plano karon ni Garcia nga mag-time out anay sa mga pagpaindis-indis agud man nga mapreparahan ang natalana nila nga kasal.