Patay ang 31-anyos nga motorcyle rider, matapos nga gintiro sang wala pa makilala nga persona sa Sitio Talave, Brgy. Punao sa San Carlos City Domingo sang kaagahon.
Sa inisyal nga report sang San Carlos City PNP, nagadala sang iya motor ang biktima nga si Dennis Donato kag pakadto kun tani sa puluy-an sang iya live-in partner apang ginsundan siya sang suspek kag gintiro sang makapila ka beses.
Suno sa PNP, nakita sang mga residente nga naga higda na sa dalan si Donato gani gindala siya nila sa ospital apang gindeklarar siya nga dead on arrival.
Nakuha sa lugar sang insidente ang apat ka mga basiyo sang cal. 45 pistol.
Naga gwa sa imbestigasyon sang PNP nga ang biktima sang sini gid lamang naka gwa sa bilangguan bangud sa kaso may nagut sa iligal nga droga kag nakagwa pinaagi sa plea bargaining agreement.
Nagapadayon ang imbestigasyon sang kapulisan sa motibo sa pagpatay sa biktima kag kun sino ang sa likod sini.