Isa ka estudyante patay, samtang pilason ang angkas sini nga isa man ka estudyante sang sila ang mabungguan sang salakyan sang Army sa dalan nga sakop sang Hacienda Balatong, Barangay Bulad sa banwa sang Isabela, Miyerkules sang aga.
Ginsiling ni Police Maj. Hancel Lumandaz, hepe sang Isabela PNP nga nagasundanay ang motorsiklo kag ang 6×6 nga salakyan sang 62nd Infantry Battalion sang Philippine Army halin La Castellana padulong Isabela.
Nagwa sa imbestigasyon nga naguba ang preno sang military truck kag nabungguan ang likod sang motor.
Bangud sang impact, naguyod sa dalom sang salakyan ang 22-anyos nga driver. Siya ang gindeklarar nga dead on arrival sa ospital.
Samtang, pilason naman ang 21-anyos nga angkas sini kag gindala sa ospital.
Ang mga biktima ang pareho estudyante kag padulong kuntani sa ila eskwelahan agud magsulod sa ila klase apang nagluntad ang insidente.
Gikan sa security detail sa Barangay Sag-ang, La Castellana ang mga soldado nga sakay sang imbulbado nga military service.
Yara karon sa custody sang Isabela PNP ang driver sang salakyansang Army.
[sibwp_form id=1]