Patay ang nagamaneho sang motorsiklo sa sagairanay nga nagluntad sa atubang sang Puregold, sa Barangay Mansilingan, siudad sang Bacolod Domingo sang aga.
Suno kay Police Capt. Andy Ofalia, hepe sang Bacolod City Police Station 7, ang biktima ang ginkilala kay Ruel Basa Jr., 27 anyos kag residente sang banwa sang Valladolid.
Suno sa pulis nasagaid ang motor ni Basa sa nasugata nga auto nga ginamaneho naman ni Guglielmo Somcio Jr., 58 anyos kag residente sang Purok Pag-asa, Brgy Ma-ao, syudad sang Bago.
Gilayon naman nga gindala si Basa sa Corazon Locsin Montelibano Memorial Regional Hospital apang gindeklarar nga dead on arrival matapos nakaangkon sang malubha nga pilas sa lawas.