Patay ang isa ka motorcycle rider matapos mabungguan sang bus sa Crossing Canlabi, Brgy. Campuyo, Manjuyod, sa Negros Oriental Martes sang aga.
Sa record sang PNP, ginkilala ang biktima sa kay Fernando Manuel Madriono, 56-anyos.
Sa inisyal nga imbestigasyon sang kapulisan, padulong sa pareho nga direksyon ang motorsiklo kag ang bus nga ginamaneho ni Stephen Alido Equia kag paglab-ot sa Crossing Canlabi, didto nabungguan ang motorsiklo sang bus nga nagresulta sa pagkatumba sang rider sa dalan.
Gindala pa ang biktima sa Bais District Hospital apang gindekalar ini nga dead-on-arrival.
Gin detain naman ang drayber sang bus sa Manjuyod PNP.