Ginbawi-an sang kabuhi sa ospital ang 23-anyos nga lalaki matapos makabunggo ang iya ginamaneho nga motorsiklo sa tricycle sa national highway nga sakup sang Sitio Cadulunan, Barangay Camba-og sa banwa sang Hinigaran, Miyerkules sang kaagahon.
Ginkilala ang biktima kay alyas “Rey”, 23-anyos, residente sang Brgy. Tuguis sa Hinigaran.
Nag-gwa sa imbestigasyon sang Hinigaran PNP, padulong sa sur ang soltero sakay sang Rusi nga motor sang iya mabungguan ang Kawasaki Barako tricycle nga nakapundo sa outer lane sang dalan.
Suno sa pulis, na-obserbahan sang personnel ka ospital kun diin gindala ang rider, nga yara siya sa impluwensya sang makahulubog nga ilimnon.
Dugang pa sang kapulisan, na-aberya ang tricycle matapos mahubsan sang gasolina. Gina-maneho ang tricycle ni alyas “Jerome”, 43-anyos, residente sang Brgy. Miranda sa Hinigaran.*
[sibwp_form id=1]