Motorcycle rider nga wala nag give way sa firetruck ginpatawag sang LTO

Pinaagi sa Information Technology System sang Land Transportation Office, nakilal-an ang rehistrado nga tag-iya sang motorsiklo nga wala nag hatag sang ligwa sa firetruck para makalabay sang maga-responde ini kuntani sa sunog sa Barangay Alijis sa Bacolod City.

Ginmandu-an sang LTO ang registered owner kag ang driver sang motor nga magpakita sa LTO-NIR Regional Office sa sulod sang lima ka adlaw, humalin sa pagbaton sang Order.

Sila ang ginamandu-an man nga magpasa sang written explanation angut sa natabo.

Base sa initial findings sang LTO, isa ka call center agent ang driver sang motor kag wala siya sang valid nga driver’s license.

Ginsiling ni LTO-NIR regional director Jeck Conlu, sa idalum sang laye, mandatory ang pagpahigad sa dalan kun may malabay nga mga emergency vehicles.

Ang kapaslawan sa pagsunod sini makabig nga reckless driving.

Suno sa LTO, magluwas sa reckless driving, posible magapangatubang sang mga kaso nga obstruction, driving without license kag delinquent vehicle registration ang driver sang motorsiklo.*

---

SIGN UP TO RECEIVE OUR FREE DAILY NEWSLETTER.

Full Name*

Email Address*