Kun wala pa maaksidente, wala matukiban ang armas sang rider sang motorsiklo nga si Benjie Varona, 44 anyos sang Barangay Abo-abo, banwa sang Murcia.
Nakabunggo sa tricycle ang motorsiklo ni Varona sa Bangga Adela, Mansilingan-Murcia Road sa siudad sang Bacolod, Martes sang hapon.
Sa report sang pulis, si Varona ang yara pa sa impluwensya sang makahulobog nga ilimnon.
Samtang ginadapatan sang first aid si Varona, nakit-an sang mga rescuers nga may yara ini sang armas nga nataklos sa sentro sang iya waistband.
Sang ginpangitaan sang mga dokumento si Varona, napaslawan ini nga makapakita sang permit nga lisensyado ang iya nga pusil.
Ginkumpiskar sang otoridad kay Varona ang isa ka 9mm nga Armscor pistol nga loaded sang siyam ka bala.
Detained karon si Varona sa custodial facility sang PoliceStation 7.