Sarado sa gihapon ang adoration chapel sang San Sebastian Cathedral.
May baral nga ginbutangan sa alagyan para indi masudlan.
Sabado sang gab-i sang natukiban nga nadula ang monstrance nga may unod nga blessed sacrament.
Pagsunod nga adlaw nakita na lamang ini sa gate sang simbahan.
Suno sa kay Police Major Elmer Bonilla ang hepe sang Bacolod City Police Station 1, nakita sang nagabaligya sang kandila ang isa ka bag nga nakasab-it sa gate. Nadakpan na ang suspek nga nagkawat sini.
Siya si Edmar Yanson, legal ang edad, wala sang trabaho kag residente sang Brgy. 12 sa Bacolod.
Suno pa kay Bonilla, pinaagi sa ila nga ginpatigayon nga hot pursuit operation batuk sa kay Yanson gilayon man ini natumod kag nadakpan.
Dugang pa ni Bonilla, tuyo gid sang suspek nga kawaton ang monstrance kag ibaligya apang ini ang gilayon man nga naglapta sa social media gani wala niya madali dali baligya.
Pasakaan siya sang kaso nga theft.