Tigayon nga naka piansa ang Vice Mayor, tatlo ka konsehal kag Punong Barangay sang Moises Padilla kag bana sini angut sa kaso nga murder nga ila gina pangatubang.
Ini ang ginakalipay kag gina abi-abi ni Moises Padilla Mayor Ella Garcia-Yulo.
Sang Sabado, na release gikan sa National Bureau of Investigation custody sanday Vice Mayor Ian Villaflor kag Councilor Jimmie Don Plaza.
Sang Biernes naman, na release gikan sa Moises Padilla PNP, sanday councilor Morito Flores kag Vincent Garcia, Punong Barangay Fely Villaflor sang Quintin Remo kag bana sini nga si Jonathan. Sila ang nag piansa sang tig 200,000 pesos sa korte suno sa alcalde.
Suno kay Garcia-Yulo tigayon na nga makabalik sa normal ang ila nga kabuhi.
Na re-elect suno kay Yulo ang bise alkalde kag si konsehal Garcia.
Nagapati si Garcia-Yulo nga ang anum ang gin patupatuan lang angut sa pagpatay kay Moises Padilla Councilor Jolomar Hilario sang 2019.
Ang pagpatay kay Hilario ang gin-ako damlag pa sang New People’s Army.
“Natipay gid kami, finally after pila ka months naka gwa na sila kag mabalik man sa normal ang pangabuhi nila, maka upod na sila sa ila pamilya, amo na da ang daku nga kalipayan ko”, suno kay Garcia-Yulo.