Suno kay Engr Hospicio Carbajosa, Jr., ang Municipal Disaster Risk Reduction Management Officer sang banwa, nalakip na diri ang pag check sang MGB sang topography kag terrain sang lugar. Ini ang iga process pa nila.
Sa ika duha nga semana sang Marso maga balik liwat ang team nga nag bisita kahapon, Miyerkules, para ma check nila ang sitwasyon sa idalom sang duta dala ang ila nga mga instruments.
Gani indi pa mapat-od kun bala sinkhole gid man ukon landslide ang natabo sa bahin sang sitio Bairan kun sa diin may pag usmod sang duta nga nakit-an.
Padayon nga naka cordon ang area. Mga 60 meters ang sakop sang apektado nga bahin kag ini ang circular. Limestone naman ang palibot sini.
11 ka tapak na ang gin-usmod sang duta.
“So far wala pa sila official gid nga findings sa pag kadto nila kay may himuon pa sila nga series of activities. Kagapon purely nag mapping. Gin check nila ang topography ang terrain kag nag palupad sila drone para makuhaan nila footage kag ma process nila sa software nila”, suno kay Carbajosa.*
[sibwp_form id=1]