Nadul-ong na sa mga banwa kag siudad ang mga balota kasubong man ang mga vote counting machines.
Sang Biernes nadul-ong na sa tagsa ka banwa kag siudad ang mga balota kag karon yara na sa custody sang municipal ukon city treasurer suno kay acting elections supervisor Roberto Salazar.
Mismo sa adlaw na sang eleksyon iga dul-ong ang mga balota sa tagsa ka mga presinto suno sa Comelec.
Nadul-ong naman ang mga VCM kag yara sa mga temporary hub kag sa Mayo 7 naman iga dul-ong sa mga presinto para sa final testing and sealing.
Samtang, may 21 naman ka mga banwa kag siudad nga nag request sang mas temprano nga pag dul-ong sang mga election forms and supplies.
Suno kay Salazar ini ang ginatugutans ang Comelec basta may naga kaigo nga rason.
Ehemploy diri ang kalayuon sang presinto kag basi ma alang-alang kun sa adlaw pa sang eleksyon labi na nga las sais sang aga maga sugod na ang botohay.
Pila sa naghinyo sang early delivery amo ang Bacolod, Calatrava, Escalante, Don Salvador Benedicto, Cadiz, San Carlos kag Toboso.
Sa pihak nga bahin, wala sang may napain nga contingency VCM bangud nga ang reserve sadto nagamit kasunod sang pag panubo sa 800 sang mga botante sa isa ka clustered precinct.
May gin pat-od nga repair centers pero gina hulat pa suno kay Salazar kun may yara sa Region 6. May provincial tech hub naman kun magka problema sa SD cards.