Pagalimitahan na ang mga turista nga maga sulod sa Sitio Hermit sa Barangay Biao sa Binalbagan.
LGU ang nagpatigayon na sang pagpaninlo sa lugar.
Sa post sa Facebook Page ni Mayor Alejandro Mirasol sang Binalbagan, makita ang mga empleyado kag katapo sang Bantay Bukid nga naga pamulot sang basura kag naga pang butang sang signages bilang pahanumdom sa mga turista nga indi mag haboy sang basura bisan diin lang.
Ini kasunod sang pagdagsa sang tawo sang weekend kag pagkatapos magbiya sa lugar, nagdagsa naman ang plastic nga basura.
Plano man sa karon sang Binalbagan PNP nga ilimitahan lang ang mga turista nga naga padulong didto kun weekend.
300 lang ka tawo ang plano nga pasudlon kun weekend kag maga butang sang holding area sa idalom.
Ini agud to malikawan ang pag ginutok sa lugar kag ang pag guot sa traffic.
Ang mga naga baligya sa lugar ang pabuligon man sa pagbantay sa mga naga pilak sang basura bisan diin lang kag ang mga naga dala sang pagkaon ang iga-require man nga magbitbit sang ecobag para may butangan sila sang ila nga mga basura.