Halos tanan nga mga hanging bridge sa 5th district sa Negros Occidental na wipe out suno sa kay 5th District Congressman Dino Yulo.
May nga damages sa mga taytay kag ang deperensya ara sa idalom gani indi malabyan. Ini bangud diri nag agi ang tubig baha halin sa Bulkan Kanlaon.
Sa La Castellana, sa pag inspeksyon sang kongresista nakita nga ang idalom sang taytay nga naga connect sang Biak-na-Bato kag Cabacungan ang indi karon malabyan sang mga truck bangud may portion sa idalom nga nag hallow na.
Ang Cotcot Bridge indi man malabyan sang truck bangud hallow naman ang idalom. Sa idalom sang sini nga mga taytay nag agi ang flash flood halin sa Kanlaon gani apektado ang idalom sang taytay.
Sa Moises Padilla ang Intiguiwan Bridge nga naga connect sa La Castellana sa Barangay Guinpanaan ang indi na malabyan sang tricycle kag salakyan kay ang idalom sini gamay na lang gid ang naga hawid.
Suno sa kay Punong Barangay Imee Secuya ini para man sa safety sang mga motorista.
Ang ginakakulbaan nila nga basi maglala pa gid ang sitwasyon kun magbubo ang ulan.*