Yara na sa karon sa kustodiya sang Bago City Police Station ang apat ka mga persona nga ginatudlo responsable sa pagkastigo kag pagpatay sa isa ka lalaki sa atubang sang isa ka convenience store sa Bago City kahapon sang kaagahon.
Suno kay PSSgt Gerald Guadalupe, ang imbestigador sang Bago City Police Station, nga nadakpan sa ginpatigayon nga pursuit operation ang mga suspek.
Sila ang ginatudlo nga nagpuli sa pagkastigo kay Rogie Mar Tiolo, 47-anyos, boiler operator sang Victorias Milling Company kag residente sang Barangay Zone 6, Pulupandan.
Sa imbestigasyon sang PNP nagainom-inom ang biktima kag ang iya nga utod sa atubang sang 7-eleven Bago sang nag-abot ang mga suspek sakay sa tricycle kag may pagsinuyaay nga natabo nga nagresulta sa pagpangastigo.
Nadala pa sa Bago City Hospital ang biktima apang gindeklarar nga dead on arrival.