Nagpadulong sa Bacolod City Government Center sang Lunes sang aga ang mga residente sang Arao Relocation Site sa Barangay Vista Alegre agud magpabutyag kay Mayor Greg Gasataya sang ila kabudlayan sa pagpatakod sang kuryente.
Ginsiling ni City Administrator Atty. Mark Steven Mayo, kapin sa 80 ka mga balay sa relocation site ang hasta sa karun wala pa gid sang kuryente.
Suno sa mga residente, naga-tap sila sang una sa iban nga linya agud makakuryente, apang sang pag-inspect sang Negros Electric and Power Corporation sa lugar, ginapang-disconnect ini bangud iligal.
Matapos ang nasambit nga insidente, nagpabutyag ang kapin 80 ka mga homeowners nga wala gid sila sang suga sa ila mga balay.
Dugang ni Mayo, magapakig-angut ang siudad sa NEPC agud mapabutangan sang temporaryo nga poste ang lugar, samtang wala pa matuman ang electrification program sang siudad sa relocation site.
Antes sini, iga-check anay sang siudad kon tanan nga mga naga-istar didto mga awardees. Suno kay Mayo, may ara na sang kapin 1,000 households sa lugar.*
[sibwp_form id=1]