Handa na karon ang bug-os nga pwersa sang Negros Occidental Police Provincial Office para sa ipatigayon nga Oplan Ligtas Undas nga maga sugod sa Oktubre 31, Lunes.
Suno kay Lt Judessses Catalogo, spokesperson sang NOCPPO, ila karon gina paabot ang pag dagsa sang mga maga bisita sa mga patyo sa probinsya ilabi na nga duha ka tuig man nga nangin estrikto ang mga LGU sa pag bisita sa patyo bangud sang COVID-19 pandemic dugang pa nga long weekend man sa karon.
Ang tagsa ka mga pulis sa mga LGU suno kay Catalogo ang maga bantay man sa mga patyo kasubong sa mga simbahan kag terminals nga paga butangan man sang police assistance desk sang NOCPPO.
Pila sa mga butang nga indi pwede madala sa sulod sang mga sementeryo suno kay Catalogo amo ang armas, patalompati na ang maka hulubog nga ilimnon. Pagabawalan man sa sulod sang patyo suno kay Catalogo ang pag inom sang makahulubog nga ilimnon kag ang magahod nga mga sonata.
Ang Oplan Ligtas Undas ang maga takop naman sa Nobyembre 3 asta sa pag pauli sang mga naga bisita sa mga sementeryo.