Bitbit ang search warrant angut sa pagsupak sang firearms law, nagpadulong ang mga police operatives sa Sitio Tubuhanon, Barangay San Isidro sa Pamplona, Negros Oriental, Miyerkules nga adlaw.
Naabtan kag gindakup sang otoridad ang subject sang search warrant nga si alyas “Cecilio”.
Nakuha sa iya ang isa ka caliber .45 Colt pistol, duha ka improvised shotguns, isa ka caliber .38 revolver, magazine, 22 ka bala sang caliber .45, ammunition box, kag anum ka live ammunition sang caliber .38 nga revolver.
Suno sa Police Regional Office-Negros Island Region, natalana nga igabalik sa issuing court ang mga narekober nga ebidensya.
Samtang, detained karon sa custodial facility sang Pamplona Municipal Police Station ang suspek.