Sang nagligad lang nga inadlaw nakuhaan pa sang video sa cctv ining isa ka wala makilal an nga lalaki nga ginapatihan nagtinguha mangawat sa isa ka puluy an sa atubang sang eskwelahan sa Barangay Villamonte.
Sa isa pa ka video nakit an man ang amo nga persona nga nagatuyo sa pagbukas sang naga park nga salakyan sa kilid man sang eskwelahan.
Kabahin lang ini sa mga kriminalidad nga tuyo mapunggan sang Bacolod City Police Office ilabi na sa pagbukas sang klase sa masunod nga sinemana.
Suno kay Police Lieutenant Colonel Lester Leada, Chief of Operations sang BCPO, magluwas sa pagtalana sang mga pulis nga magapatrolya sa mga eskwelahan, naghinyo naman sila sang bulig sa mga kabarangayan para sa deployment sang barangay tanod sa gwa sang mga eskwelahan sa siudad.
Si Leada ang nagapaandam man sa publiko pati na sa mga car owners nga ipaseguro ang ila mga pagkabutang agud indi mabiktima sang mga kawatan.