Padayon ang maid-id nga monitoring sa mga puerto, airport kag mga entry points sa probinsya bilang pag pangapin kontra African Swine Fever.
Paathag ni Dr Placeda Lemana ang OIC-Provincial Veterinarian, ang ASF virus ang indi dali-dali nga madula. Gin report man nga naga panubo na ang ASF cases sa banwa sang Oton sa Iloilo suno kay Lemana, wala pa man sang opisyal nga deklarasyon gikan sa Department of Agriculture.
Sa November 14 to 20 nga report sang ASF Task Force, 198.52 ka kilo sang gina dumilian nga produkto sang baboy ang gindakop ka mayoriya sini ang gikan sa Bredco kag Banago Port.
Ini ang naga balor sang 104.143. 100,643 diri ang gin confiscate kag ginsunog, 3,500 ang gin ship back. May mga gin pull out man nga assorted pork products gikan sa isa ka grocery store sa Bacolod.
“Manubo man ukon madamo the same ang aton gina obra, kay man kun ASF virus indi dali-dali nga ma eliminate sa isa ka area”, suno kay Lemana.