Digicast Negros

Mga prutas gikan Davao mabakal sa gwa sang Kapitolyo

Richard Malihan photo

Kilala nga mga prutas sang Davao kasubong sang durian kag kabugaw ang sarang mabakal karon sa Provincial Capitol grounds.

Ginbuksan kaina sang Lunes sang aga ang Kadiwa ni Ani at Kita. Ini ang maga lawig tubtob sa Marso 11 kag maga lakip sang business-to-business kag market scanning activities.

Paathag sang Department of Agriculture, tinutuyo sang amo nga programa nga mas mapalapit ang mga produkto sang mangunguma sa mga bumalakal.

Ang ini nga tikang isa sa mga stratehiya nga gin patuman sang tiun sang pandemic kun sa diin daku ang nangin pagpanghangkat sang mga lockdown.

Ang Negros Occidental suno sa tiglawas sang Department of Agriculture Region XI ukon Davao ang ikatlo na nila nga ginbisitahan nga lugar sagwa sang Davao.

Una na sila naka bisita sa Cebu kag Bohol.

Ang pagbisita sa Negros suno sa iya kabahin sa mandato nga pag hatag sang prayoridad sa mga lugar nga na igo sang Bagyo Odette.

Sa Kadiwa ni Ani at Kita gina tanyag diri ang produkto sang Davao.

Magluwas sa kilala nga Durian, lakip man diri ang marang, rambutan, saging, magosteen kag iban pa.

May 22 ka metrico tonelada sang prutas gikan sa Davao ang ila nga dala para sa mga Negrense.

Exit mobile version
Skip to toolbar