Nagkalatumba ang apat ka mga poste sang kuryente kag telecommunications company Domingo sang hapon
sa Lizares-Jovita Streets, Barangay 40 sa siudad Bacolod.
Sa apat ka nagkalatumba, duha ka poste ang kahoy kag duha naman ang semento.
Nagkalatumba ini samtang may ginapatigayon nga construction sang drainage ang RA Construction sa amo nga kalye.
Nagkalatumba ang mga linya sang kuryente sa dalan kag ang poste nagtupa naman sa pader kag gate sang mga balay.
Maswerte naman nga wala sang construction worker nga naga-ubra bangud yara ang mga ini nagatrabaho sa pihak nga dalan.
Gilayon naman nga nabalik ang power supply sa amo nga area pero may 50 ka mga balay nga wala sang kuryente tubtob sang aga kag tigayon na ini mabalik kaina.