Mga pamuno sang police station mahimo kakson sa pwesto kun wala sang anti-drug accomplishment

Iga-demote ni Bacolod City Police Office Director Colonel Eugene Rebadomia ang mga station commanders nga wala sang accomplishment sa ginapatuman nga anti-illegal drug campaign.

Ginsiling si Rebadomia nga kinahanglan nga panindugan sang mga commanders ang ila nga responsibilidad kag ipakita sa publiko nga sarang nila mahuman ang ila nga mga obligasyon, ilabi na sa pagtapna sang illigal nga droga.

Dugang pa niya, ang nakita nga rason sang kapulisan kun ngaa nagalapta ang droga kag kriminalidad amo ang pagpabaya sang mga station commanders.

Kon indi maayo ang performance sang mga station commander, iga-demote sila kag iga-assign sa BCPO headquarters.

Wala nagakabalaka si Rebadomia kon maislan ang mga commanders bangud madamo pa sang mga pulis nga yara sa BCPO nga nagahandum nga mangin station commander.

Sa sulod sa isa ka semana nga nagpungko si Rebadomia bilang City Director, yara na sa masobra sa 1.7 million pesos nga balor sang iligal nga droga ang nakompiska sa 9 ka buy-bust operations.

Ginsiling niya nga dako nga pagpanghangkat sa iya liderato ang accomplishment sang anay City Director nga si Police Colonel Joeresty Coronica sa away kontra droga.*

[sibwp_form id=1]