Nagpauli na subong nga adlaw ang 61 ka IDP ukon internally displaced nga mga pamilya sa La Carlota City kasunod sang pag panaog sang Alert Level sang Bulkan Kanlaon.
Walo man ka bulan nga nag tenir sa mga evacuation center ang 61 ka pamilya ukon 225 ka mga indibidual matapos nga gin-evacuate sang mag lupok ang Kanlaon kag pagsaka sa Alert Level 3 sang bulkan.
Sila ang maga pauli sa Sitio Guintubdan, Brgy Ara-al.
Suno kay Mayor Jose Luis Jalandoni, gin hatagan sang GI sheets ang tagsa ka pamilya.
May P1,800 man nga cash assistance sa ila.
Samtang, ang 22 ka pamilya ukon 81 ka mga indibidual nga IDP sa Bago City ang maga pauli sa Sabado.
Suno kay Dr Merijene Ortizo ang City Disaster Risk Reduction Management Officer sang Bago, maga patuman sila sang Bayanihan sa Sabado mismo agudto makaayo ang mga balay sang IDPs nga nagkalaguba.
Hatagan man sila sang napintahan na nga GI sheets para atop kag P10,000 nga cash.
Samtang, ang mga payag sang kapag-on nga nagserbe nga ilistaran sang mga IDP ang maga pabilin kag iga maintain lamang sang CDRRMO.
Sarang naman ini liwat nga magamit kun mag abot ang tion nga kinahanglan ini suno kay Ortizo.