May pagsaka sa ash emissions nga bulkan Kanlaon sa nagligad nga tatlo ka adlaw.
Sa June 17 nga bulletin sang Philippine Institute of Volcanology and Seismology, 9 ka pagbuga sang bulkan ang na-record kag ini ang nag lawig sang isa tubtob 213 ka minutos.
Maka pila man ka beses nga nagbuga sang abo sini nga Miyerkules nga adlaw.
Suno kay Mari Andylene Quintia ang resident volcanologist, sa June 16 nga bulletin, may 12 ka ash emissions nga naglawig naman sang 4 to 101 minutes kag sang June 15 may napulo naman ka na record nga ash emissions.
Ang ash emissions suno kay Quintia may yara nga tion nga naga buga lang ang bulkan tapos madula naman dayon.
Consistent naman ini sa characteristic sang bulkan nga yara sa Alert Level 2.
Suno kay Quintia may yara sang open system ang bulkan ukon padayon ang iya sini nga pag degas kag kun kaisa may naga upod nga abo.
Kun lantawon mas maayo ini nga open ang system sang bulkan sang sa ma plug kay kun daw may bara amo nga naga eksperiensya sang explosive eruption.
Sang Martes sa Guintubdan sa Araal sa La Carlota sang Martes ang nag-report sang nipis nga ash fall.
“Continuous siya nga naga degas, naga emit sang gas. At some point may naga upod nga ash. Kumbaga mas better ni sya nga open ang iya nga system kesa naga plug, amo na naga experience kita sang explosive eruption”, suno kay Quintia.*
[sibwp_form id=1]