Graduate sang University of St Paul sa Dumaguete City ang nag top sa Nurse Licensure Examination. Apat ka iban pa nga gikan sa mga eskwelahan sa Bacolod ang nalakip sa top ten.
Nagkuha sang rating nga 90 percent si Abigail Garganta Ramirez sang St. Paul Dumaguete ginpatigayon nga Philippine Nurse Licensure Examination sadtong Nobyembre 12 tubtob 13.
9th placer naman kanday John Philip Tupas Rollo kag Richard Raphael de la Cruz sang Colegio San Agustin – Bacolod nga nagkuha naman sang 88.40 percent rating.
Yara sa 10th place kanday Lourdelyn May Luga sang CSA-B kag Carmen Angela Villanueva Dusaran sang Riverside College. Sila ang may 88.20 percent rating.
Ang University of St La Salle naman ang rank 5 sa mga top performing schools.
Samtang, may iban pa gid nga Bacolodnon nga yara sa Top Ten.
Ini sila amo sanday Jezrel Alijid nga rank 2 kag nagkuha sang 89.80 percent rating, Carlos Jose Cerrada kag Terese Angel Lee mga 4th placer nga nag kuha sang 89.40 percent nga rating.
Sila ang graduate sang West Visayas State University – Lapaz. Taga Bacolod man si Marian Grace Yap nga 6th placer nga may 89 percent rating nga graduate naman sang University of Santo Tomas.
Suno sa Professional Regulation Commission ukon PRC 18,529 ukon 74.40 percent ang naka pasar gikan sa 24,903 nga nag kuha sang Nurse Licensure Exam.