31 ka push carts ang ipanagtag sang Bacolod City Cooperative and Livelihood Development Office ukon CCLDO. Ang proyekto ang ginpondohan halin sa 3% Cooperative and Livelihood Development Fund sang siudad.
Ang proyekto nagalakip sang paghatag sang standard push carts sa mga organisado nga manugbaligya sa Bacolod Vendors’ Plaza agud mapasanyog ang ila palangabuhian kag mapatuman ang kalimpyo sa lugar.
Ang kabug-osan nga pondo sang proyekto naglab-ot sa ₱465,000, kag tuyo sini nga mapaayo ang operasyon sang mga vendor kag mapabaskog ang oportunidad para sa mga micro-entrepreneur sa siudad sang Bacolod.