Hog Raisers sa Negros Occidental ang nag hinyo sang bulig sang probinsya angut sa gina patuman nga ban sang Cebu sa mga pork kag pork meat products gikan sa Negros Island.
Suno kay Governor Eugenio Jose Lacson, nagtawag personal sa iya ang isa ka commercial hog raiser angut sa ila nga sitwasyon kun sa diin indi sila maka deliver sa Leyte bangud nga indi sila maka lusot sa Cebu tuga sang ban nga gina patuman.
Suno kay Lacson, nagsulat na ang probinsya kay Governor Gwen Garcia kag naghinyo nga tugutan ang probinsya bangud naga pabilin man ini nga green zone ukon African Swine Fever Free.
Ginpatuman ni Garcia ang ban sa baboy kag pork meat products sa Negros Island matapos matukiban nila nga may nag positive sa ASF sa mga baboy sa Carcar, Cebu kag pila diri suno sa ila nga EO ang naka impon sa mga baboy gikan sa Negros.
Gina hulat pa suno kay Lacson ang sabat ni Garcia.
Samtang nag pa gwa man sang EO ang Negros Occidental nga nagalakip sang pork meat products gikan Cebu, Bantayan kag Camotes Island sa pork ban matapos nag positibo sa ASF.
Indi pa sa karon mapat-od ang kadakuon sang epekto sa mga hog raisers sang Negros Occidental tuga sang ban nga ginpatuman sa Cebu suno kay Lacson.