Top 3 Barangay MassKara Dancers nga nangin madinalag-on sa arena and streetdancing competition ang posible ipadala sang siudad para mag-perform sa abroad.
Ginakalipay kag ginapabugal ni Mayor Albee Benitez ang kadalag-an sang 44th MassKara Festival nga iya man ginakabig nga ticket to the world.
Patimaan diri ang pagpalab-ot sang interes sang pila ka mga pungsod nga luyag masaksihan ang performance sang MassKara Dancers.
Ginsiling sang alkalde nga magluwas sa Korea, New York kag Long Beach, California may mga imbitasyon man nga nabaton ang siudad halin sa Milan, Italy, Toronto, Canada kag iban pa.
Plano sang alkalde nga dal-on didto ang mga MassKara Dancers ilabi na ang top 3 performers sa arena kag streetdancing competition.
Tuyo man sang siudad nga sa Enero suguran na ang mga plano sa tuigan nga selebrasyon.