Matapos ang clearing operations, ginpasugtan na nga makabalik sa ila tagsa ka mga panimalay ang 162 ka mga pamilya ukon 554 ka mga indibidwal nga na-displace bangud sang engkwentro sa tunga sang mga soldado kag rebelde sa Sitio Cagayon I, Barangay Tamlang sa Escalante City, sadtong Hunyo 1.
Temporaryo sila nga nagtenir sa Tamlang Elementary School. Sila ang ginpaidalum sa stress debriefing kag counseling.
Nagpatigayon man sang psychosocial support activity kag sila ang ginhatagan sang food assistance antes sila nagpauli sa ila mga balay.
Isa ka katapo sang 79th Infantry Battalion ang napatay sang ila ma-engkwentro ang lima ka mga katapo sang New People’s Army Northern Negros Front.
Ginsiling ni 1st Lt. Fevie Fajardo, ang civil-military operations officer sang 79th IB nga padayon pa ang ila pursuit operation sa nakapalagyo nga mga rebelde.
“Kanina nakapag-conduct tayo ng clearing and retrieval operations sa area. As to the result, yung mga na-recover natin are personal belongings and may mga iilang bala na nakita sa area”, suno kay Fajardo.*
[sibwp_form id=1]