Ginpangabay ni Councilor Celia Flor, pamuno sang Committee on Markets ang mga tag-iya sang kiosko sa nagkalain-lain nga festival sites nga magpatuman sang “reasonable price” sang mga baligya lakip na mga ilimnon.
Suno sa konsehal, kun tuman naman ka mahal ang baligya posible man nga wala na sang may magbakal sa ila, rason nga ginapangabay niya ang mga vendors nga maghatag lamang sang nagakaigo nga presyo.
Una na nga ginsiling sang foodpark manager sang Bacolod Gugma Foundation nga indi sila magpatuman sang price ceiling sa mga baligya kag may diretso ang mga vendors nga magpatuman sang ila gusto nga presyo.
Ini bangud suno sa Gugma, nagabayad man sang renta ang mga owners, kag ila na diskarte kun paano nila ini mabawi.
Yara sa 15,000 tubtob 25,000 pesos ang renta sang isa ka 10 by 10 feet nga kiosk sa BCGC kag Plaza, depende sa pwesto.
Samtang, sumugod sa Oktubre 12 magasugod na ang ingress sang mga booth kag kiosk sa Lacson Strip bilang preparasyon sa pagbukas sini sa Oktubre 16 to 18.
[sibwp_form id=1]