Padayon ang pagkuha sang impormasyon sang Intelligence and Investigation Unit sang Land Transportation Office-Negros Island Region agud makilal-an ang mga imbolbado sa illegal drag racing activities sa Negros Occidental.
Nakalab-ot sa LTO ang pila ka mga videos sang ginpatigayon nga drag racing activities sa Bago City, Valladolid kag Cauayan, kon sa diin may nagakatabo pa nga pagpustahanay.
Agud matapna kag gilayon nga madakpan, nagahingyo ang LTO nga i-report ang makit-an nga drag racing activities sa pinakamalapit nga police station.
Nagapakig-angot naman ang ahensya sa tagsa ka local government unit agud magbulig sa regulasyon sang nasambit nga aktibidad.
Sang tinalikdan nga bulan, may 32 ka apprehension ang LTO-NIR angot sa illegal drag racing sa Bacolod-Negros Occidental Economic Highway, boundary sang Bacolod City kag Talisay City.
[sibwp_form id=1]