Ginahulat na lamang karon sang City Administrator’s Office ang inventory report halin sa City Health office bahin sa mga napamakal kag nagamit nga mga beds kag iban pa nga equipment sang nag peak ang Covid 19 pandemic.
May 20 tanan ka mga school based-quarantine centers nga natukod sadto ang siudad sang Bacolod kun diin ginpamutang ang mga folding beds, temperature scanners kag iban pa nga pagkabutang.
Suno kay city administrator Atty. Boyet Maghari, madasun sila nga magapatuman sang occular inspection sa mga stockroom sang Disaster risk reduction management office kun diin temporaryo nga natago ang mga beds kag mga equipment.
Usisaon man nila kun all-accounted kag kun kay-o pa ang mga equipment kag kun pwede pa magamit kun kinahanglan.