Mga alkalde ang naghilisugot nga magpatuman sang uniform approach kontra RSSI.
Ini suno kay Cadiz Mayor Salvador Escalante, Jr., nga amo man ang presidente sang Negros Association of Chief Executives.
Suno kay Escalante, sa ila nga pagsapol ila gintalakay nga kun ang katubuhan yara pa man lang sa level 1 sang infestation ukon moderate pa lamang, enzymes nga gina propogate man sang probinsya ang ila nga paga gamiton. Ang pagpanghangkat diri amo nga diutay lang ang supply nga available.
Kun yara na sa level 2 or 3 ukon tuman na ang kahalitan, ila gin pakamaayo nga mag gamit sang chemical nga systemic para madali matapna kag para tigayon pa nga maka recover ang apektado nga katubuhan.
Suno kay Escalante ang tikang nga ila ginkasugtan santo sa sitwasyon sang katubuhan.
Sa Cadiz City naka gamit na sila sang chemical nga sytemic kag tigayon nga naka release sang pondo para diri. Sang nagligad sila nga semana naka deklarar sang state of calamity ang siudad kag gamiton nila ang DRRM fund kontra sa RSSI.
Madamo sang proposal ang ila nga nabaton. Luyag ni Escalante mag invest sa sprayers kag drones.
Tigayon man sila nakagamit sang biocontrol nga gikan mismo sa probinsya. Gina consider man nila ang approach sang probinsya nga natural means.
Ang gina duso nga aerial massive spraying ang iya man na present sa mga big planters kag depende naman sa ila kun luyag nila ang kasubong nga tikang suno kay Escalante.
“Indi man ni naton mahimo nga sweeping kay there are areas nga minor lang ya ang igo. So pwede gid kita ka deretso sa bacteria. May ara nga severe. May ari ko di gani farm nga ginhambalan ko lang lang tapsa nyo na lang kay tutdan ta, then we plant again. Amo na sya ang approach depende gid actually sa mga mayors. But gina consider gid naton ang approach sang province. Ang ini nga approach nga gin adopt namon was likewise recommended sang provincial RSSI head. Kun severe na it’s either you tapas-tutod or try to cure using chemical na systemic, then after nag-reduce siya then ma introduce kita sang biological approach”, suno kay Escalante.
[sibwp_form id=1]