Sa tunga sang pagsinaka sang bili sang mga balaklon, Department of Trade and Industry ang nagsapol sa mga opsiyal sang Bacolod para masiguro nga wala sang may matabo nga pinagusto lang sa pagpasaka sa bili sang mga balaklon
Suno sa kay City Administrator Pacifico Maghari III, isa sa mga ginkasugtan sang Department of Trade and Industry kag sang Department of Agriculture amo nga ipatawag ang tanan nga mga manug baligya karne sang baboy kag baka, mga manug baligya manok, manug baligya isda kag mga manug utan.
Pungkuan ang istoryahan kun pila lang dapat ang presyo sang kada kilo sang sini nga mga produkto.
Kag kun ano ang ginkasugtan nga bili ina ang ipahibalo sa mga pumuluyo para makahibalo ang mga pumuluyo kun bala eksakto pa nga presyo ang gina tanyag sang mga negosyante sa merkado.
Ini ang pamaag sang siudad para indi matam-an ang konsumedor kag para indi man madali dali ubos ang nabaton nga bonus sini nga paskwa.