Lokal kasubong man national officials ginakalipay ang promisa sang presidente nga lagdaan para mangin isa ka laye ang Negros Island Region Bill.
Para kay Victorias City Mayor Javier Miguel Benitez nga amo man ang presidente sang Negros Association of Chief Executives isa ka historic milestone ang nalambot para sa isa ka unified Negros. Ang promisa ni Presidente Ferdinand Marcos, Jr., suno sa iya nagapakita sang pagkilala sini kag pagsuporta sang mga tinutuyo sang komunidad. Panugod naman ini sang dugang nga mga higayon para sa bag-o nga rehiyon. Labing gapasalamat si Benitez sa presidente. Indi lamang kadalag-an ini bahin sa legislation. Nagadala man ini sang mensahe kun ano ang mga lalambutan bilang mga pumuluyo.
Tuman nga nalipay man si Senate President Juan Miguel Zubiri sa pagsiling ni PBBM sang Lunes nga pirmahan niya nag NIR nga mangin laye.
Mangin kabahin na sang maragtas ini suno kay Zubiri nga bunga sang tinuig nga pag pangabudlay kag consultation sa mga pumuluyo sang isla sang Negros kag Siquijor. Si Zubiri ang principal author sang NIR senate bill.
Para naman kay Senador JV Ejercito “very good news” ang amo nga saad sang presidente.