Balantayan ang mabunok nga ulan kag malapad nga rain band sang bagyo Basyang.
Ini suno sa Office of the Civil Defense Negros Island nga padayon ang pag panghanda sa bagyo. Ang mga response cluster damlag pa ang activated na.
Nagapabalin ang kabaskugon ni Bagyo Basyang samtang ini ang nagapadulong westward pakadto sa eastern Mindanao.
Yara sa 65 kilometers per hour ang maximum sustained winds sini malapit sa sentro kag tubtob naman sa 80 km/hr ang pagmadlos sini.
Sa Negros Island region ang Siquijor, southern portion sang Negros Oriental ang yara sa Tropical Wind Signal Number 2.
Yara naman sa Tropical Wind Signal Number 1 ang nabilin nga bahin sang Negros Oriental, bilog nga Negros Occidental kag ang bilog nga Western Visayas.
Suno kay Director Donato Sermeno, III ang PAGASA mismo ang naga abiso nga bisan pa diin mag agi ang sentro sang bagyo dapat ang tanan nagahanda. Ang bilog nga Negros Island Region nasakop sa alagyan ukon sa cone sang bagyo pero Biyernes sang hapon gina paabot ang pagbubo sang ulan.
Subong nga Hwebes, 18 ka mga LGU sa Negros Occidental, lakip na ang Bacolod City ang nag suspend sang klase.
As of 4pm, 19 man ka LGU ang nag announce na sang cancellation sang klase para bwas, Biyernes sa Negros Occidental.
Ang Negros Oriental Provincial Government nag-cancel sang trabaho sa mga government offices para sa Biyernes.
Nag-suspend naman sang government work ang San Carlos City kag Kabankalan City sa Biyernes.
Tungod nga may yara sang Tropical Cyclone Wind Signal sa mga probinsya sa NIR kanselado man ang mga biyahe sang fast crafts kag roro.
Damlag pa ginsiling ni Governor Eugenio Jose Lacson nga yara na sa tagsa ka mayor ang pag declare sang pre-emptive evacuation.
Ginsiling ni Sipalay CDRRMO coordinator, Dionilo Bogtae nga karon sa hapon maga recommend siya sa ila nga LGU sang pagpatuman sang pre-emptive evacuation.
“Ga-expect sila sang damo nga amount of rain, hambal gina sang PAGASA, regardless kun diin gid maagi ang sentro sang bagyo pero ang ulan lapad gawa ang rain band amo na ang bantayan naton. So nag advise kita halin pa kahapon sa mga concerned LGUs nga mag pre-emptive evacuation na nga mag implement”, suno kay Sermeno.*
[sibwp_form id=1]