Mga kapitan maga pangatubang admin sanction kun nag binalik ang ginkakas nga mga obstruction sa sidewalk

Posible nga mapanaugan sang administrative sanctions ang mga kapitan sa siudad sang Bacolod kon ila mapabay-an nga mapatindogan sa liwat sang mga obstructions ang mga sidewalks nga ginclearing na sang siudad.

Ini matapos ang pag-demolish sang pila ka mga baligyaan nga nahamtang sang kilid sang dalanon sa Barangay Mandalagan.

Ginpahanumdom ni Mayor Greg Gastaya nga reponsibilidad na sang mga kapitan nga i-maintain nga matawhay ang mga sidewalks nga una na nga nalimpyuhan sang City Legal Office.

Dugang niya, kinahanlan nga siguruhon sang mga kapitan nga indi na magbinalik pa ang mga illegal structures sa kilid sang dalan bangud ini ang nagatuga sang traffic kag bungguanay.

Matapos ang demolition sa Barangay Mandalagan, naghatag na sang post-demolition report ang City Legal Office sa barangay.

Sandig sa Republic Act 7279 ukon ang Urban Development and Housing Act of 1992, sarang nga mahatagan sang nagakaigo nga sanction ang Barangay kon indi sila mag sunod sa amo nga mandato.

May mga Barangay tanod kag mga katapo sang Bacolod Traffic and Transport Management Department ang natalana nga magabantay sa mga sidewalks nga ginclear na sang siudad agud ma siguro nga wala na sang illegal structures nga magatindog.*

[sibwp_form id=1]