Kun kahapon sa administrative building sang banwa sang Isabela nag rally ang mga job order workers, kaina sa plaza na sila.
Suno sa isa sa mga job order sang banwa nga wala lang nagpakilala gina dumilian sila kuno nga maka rally sa munisipyo gani sa plaza na sila.
Ini ang ika duha na nga adlaw nga rally sang mga job order nga wala pa masweldohan bangud sa wala ma aprubahan ang budget sang Sangguniang Bayan.
Nag sindi sila sang itom nga kandila kag gindala sa kanta ang panawagan sa SP kag sa bise alkalde.
Suno kay Vice Mayor Renato Malabor Jr., wala pa na aprobahan sang konseho ang budget bangud nga madamo pa sang requirements nga gina pangayo kag wala ma hatag sang executive. Isa na diri ang list of contract para sa mga job order.
Suno kay Mayor Irene Montilla, October 15, 2021 nila na submit ang budget kag kumpleto ang rekisitos kag ini ang check man gani sang SP secretary. Ang gina pangayo sang SP subong ang wala labot sa annual budget. Ang gusto nila matabo suno kay Montilla amo nga may audit nga indi naman trabaho sang SP.
Sang nag ligad nga tuig natabo man ang delay sa sweldo sang mga jo kasunod man sang issue sa budget para diri.
May 430 tubtob 440 ang JO workers sang banwa suno kay Montilla.
19 million ang budget para diri sa 2021 budget suno kay Malabor.
Si Vice Mayor Malabor kag Mayor Montilla ang mabungguanay sa pagka alkalde sang banwa sa pinili-ay.