May pila naman ka mga incumbent mayors nga nagka lalutos sa ila nga mga challenger.
Sa Silay City nag daog ang challenger nga si anay vice mayor Joedith Gallego kontra kay Mayor Mark Golez. Ginpatigayon ang proclamation sini nga hapon. Nagdaug vice mayor si Tom Ledesma, naga pabilin number one councilor si Ryan Gamboa.
Nangin close fight man ang sa tunga nanday Mayor Pedro Zayco kag challenger nga si Benjie Miranda nga anay punong barangay kag karon kagawad. Wala makalambot 300 ang abanse sa ni Miranda sa kay Zayco.
Nalutos man si Vice Mayor Raul Rivera kay Miguel Zayco sa vice mayoralty race. Magtandem si Miranda kag Miguel Zayco.
Si Mayor Ella Garcia-Yulo sa banwa sang Moises Padilla ang gin proclaim naman nga tig daug sa mayoralty race. Si Vice Mayor Ian Villaflor man ang nag daog sa gihapon sa vice mayoralty race.
Sa Himamaylan City daug ang re-electionist nga kanday Mayor Raymund Tongson kag Vice Mayor Justin Gatuslao.
Sa banwan sang Candoni, gin proclaim na si Ray Ruiz nga duly elected mayor sang banwa. Vice mayor naman si Cicero Borromeo.
Na proclaim naman si Mayor Gerry Rojas bilang tig daug sa mayoralty race sa banwa sang murcia.
Si Mayor Marvin Malacon sang EB Magalona ang na proclaim naman. Siya ang unopposed.
Sa Escalante City, daku ang biya ni Mayor Melecio Yap Jr. sa challenger nga si Eddie Montero nga sadto anay nagserbe man nga alkalde sang siudad.