Nadakpan na ang apat ka suspek sa nagluntad nga robbery hold-up sa San Juan Bonifacio, Barangay 5, siudad sang San Carlos kahapon.
Ang biktima ginkilala kay Jeffrey Quiro y Rodriguez, 34-anyos.
Ang mga suspetsado ginkilala sanday Michael Toyogan , Jericho Burdago , Francisco Toyogan , kag John Mar Sta.-Ana.
Sa imbestigasyon sang San Carlos PNP, ang apat ka suspek nagasakay motorsiklo sang nag-deklarar sila sang hold-up sa amo nga biktima.
Nakuha nila ang isa ka unit sang Techno spark cellphone kag nagpalagyo.
Pinaagi sa ginpatigayon nga hot pursuit operation sang San Carlos City Police Station, nadakpan ang apat ka suspek kag narekober sa kay Michael Toyogan ang 1 ka cal.45 nga loaded sang 6 ka live ammunitions kag may extra pagid nga magazine nga loaded sang 6 ka live ammunitions; kag isa ka itom nga cellphone.
Positibo naman nga ginkilala sang biktima ang mga suspek.
Yara na sa kustodiya sang San Carlos City Police Station ang apat ka suspek kag pasakaan sang kaso nga robbery hold-up.