Mga ginkakas nga empleyado sang BACIWA nga ginmanduan nga ma reinstate ang nagademanda nga sila ang mabalik na sa ila nga trabaho.
Sa press conference Lunes sang aga, ginsiling sang mga empleyado sa pagpamuno ni Leny Espina, nga nagserbe presidente sang BACIWA Employees Union, nga indi nila luyag nga ma deny ang ila nga mga kinamatarong.
Suno kay Atty Edmundo Manlapao, Jr., isa sa mga legal counsel sang mga empleyado, magasulat sila sa katapo sang board para sa voluntary reinstatement sang 60 ka mga empleyado kag ila ini igahatag bwas nga adlaw. Kun indi matigayon ang reinstatement sila ang maga file sang motion for issuance of writ of execution sa Civil Service Commission Region 6.
Sang Agosto 20, nag mando ang CSC Region 6 sang reinstatement sang 60 ka empleyado without loss of seniority kag full payment humalin sang pagkakas sa ila sa serbisyo tubtob sa ila nga actual reinstatement.
Suno kay Espina, bisan pa nga napulo sa 60 ang ginbayaran, malakip sa gihapon ang napulo bangud sa desisyon, 60 ang ginmando nga ma reinstate.
Damlag pa ginsiling sang BACIWA nga ang amo nga desisyon ang ila nga iga-refer sa Office of the Government Corporate Counsel, nga suno kay Atty Cesar Beloria, Jr, isa sa mga abogado sang empleyado, kun ano man ang ipa gwa sang amo nga ahensya naga pabilin lamang nga opinyon.
Ginpanawagan man sang grupo ang intervention sang siudad sang Bacolod.
Suno naman kay Councilor Wilson Gamboa, Jr. sya ang maga pasar sang resolution para sa execution sang amo nga CSC order kag ipatuhoy ini sa PrimeWater. Wala nagasabat ang baciwa as of press time sa pag pakig angut sang Digicast Negros.