Kapin sa 20,000 pesos ang nabaton sang mga atleta kag coaches nga gikan sa Bacolod City nga mangin tiglawas sang Negros Island Region para sa Palarong Pambansa 2026 nga pagahiwaton sa Agusan del Sur.
Lakip diri ang masobra sa 6,000 pesos nga playing allowance, 4,000 pesos nga food allowance, kag 9,000 pesos nga training allowance.
Samtang ang mga delegates naman nga indi mag upod sa mga billeting areas nga ginhanda sang DepEd NIR, ang ginhatagan man sang dugang nga allowance sang siudad.
Kaina sang aga, ginpangunahan ni Mayor Greg Gasataya ang send-off ceremony sa 286 tanan ka mga delegates. Pormal man nga nabaton sang mga atleta ang ila mga uniforms gikan sa siudad.
Ang mga players sang football, softball, kag baseball ang ginhhatagan man sang specialized nga mga sapatos.
Ginpahayag man sang alkalde nga magahatag ang siudad sang incentives sa mga makakuha sang medalya sa Palarong Pambansa.
Magasugod ang kompetisyon sa Mayo 24 tubtob Mayo 31. Buwas nga adlaw, amat-amat na nga magapadulong ang mga atleta sa Mindanao agud makahanda sa ila tagsa ka mga sport events.
[sibwp_form id=1]