Mga barangay nga ginakabig Local Governance Champions ang ginkilala sa isa ka programa Miyerkules sang aga.
Gin patigayon ang awarding para sa 2025 Seal of Good Local Governance-Barangay National Awardees sa pag panguna nanday Governor Eugenio Jose Lacson, acting vice governor Genaro Alvarez, IV, kag pamuno sang Department of the Interior ang Local Government – Negros Occidental, Teodora Sumagaysay.
Ang Seal of Good Local Governance indi lang isa ka premyo ukon pasidungog, isa ini ka simbolo sang malig-on nga dedikasyon, sa paghatag sang tampad nga serbisyo publiko, paagi sa transparency kag accountability, kag ang pagpa-sanyog sang ginatawag nga core values, sang maayo nga pang gobyerno suno kay Governor Lacson sa iya na speech.
Bunga ini sang katutom, kag matinlo kag epektibo nga serbisyo publiko suno kay Lacson. Dugang pa niya kabay nga himuon ini nga inspirasyon, agud padayonon ang tampad nga pagserbisyo sa tagsa nila nga komunidad.
Pila ka mga barangay gikan sa Bago City, Cadiz City, Calatrava, Cauayan, Himamaylan, Hinigaran, Ilog, Isabela, La Carlota, La Castellana, Murcia, Manapla, Pontevedra, Pulupandan, Sagay, San Carlos, Silay, Talisay, Toboso kag Victorias City ang mga national awardees.
Ang mga may legislative awards naman, provincial winner ukon provincial finalist nagalakip sang San Carlos City, Himamaylan City, Kabankalan City, Victorias City, Talisay City, Calatrava, Murcia, La Castellana kag Candoni.
Lakip man sa ginhatag ang Lupon Tagapamayapa Incentive Awards kag Local Legislative Awards. Tig 100,000 pesos ang ila nga nabaton.
P8.9 million ang kabilugan nga pondo nga na-release.
[sibwp_form id=1]