Bacolod LGU magahatag sang cash incentives sa mga atleta nga nangin madinalag-on sa Palarong Pambansa 2024 sa Cebu City.
Nagpangatlo ang Western Visayas sa ginpatigayon nga Palarong Pambansa 2024 sa Cebu City.
May 56 ka golds, 41 kag silver kag 41 ka bronze ang Region 6 nga gintiglawas sang atleta gikan sa Bacolod City.
Ginsiling ni Councilor Jason Villarosa sarang magbaton sang cash incentives ang mga athletes para sa gintalana nga pagpasidungog sa Disyembre.
Indi magnubo sa P10,000 ang ginahatag sang siudad sa mga gold medalists, P8,000 sa silver kag 5,000 sa bronze.
May yara man sang cash incentives nga gintalana para sa mga coaches sandig sa ordinansa.
Kabahin sa magabaton sang incentives halin sa siudad ang mga Bacolodnon nga nagdalaug sa regional kag pati na sa national kag international competition.