May sa 1,800 ka mga pumuluyo sa Brgy Cabagnaan sa La Castellana ang gintugutan sang banwa nga mag pauli na.
Sa video nga gin post ni Bon Sacapaño sang Domingo, makit-an ang pag panghimos sang mga pumuluyo nga taga Barangay Cabagnaan dala ang ila nga mga kagamitan samtang may nagahulat nga emergency evacuation vehicle.
Suno kay John BF de Asis ang Municipal Disaster Risk Reduction Managment Officer sang La Castellana gintugutan na sang local government unit ang pag papauli sang mga 1,800 ka pumuluyo. Sakop sila sang 6km extended danger zone.
Ang ila mga balay suno sa iya ang yara sa kilid sang dalan. Paathag niya, wala labot sang damlag insidente nga may mga nag biya sa campsite nga wala sang pahanugot bangud nga luyag naman gid nila mag pauli makaligad ang pito ka bulan na nga pag tenir sa mga evacuation center, wala na sang pondo ang banwa nga mahatag para ma sustain ang mga internally displaced persons.
Ginsiling ni Office of the Civil Defense Regional Director Donato Sermeno, III sang nag ligad nga semana nga napadangat na ini nga concern sang La Castellana.
Ang abiso sang PHIVOLCS amo nga dapat wala kuntani sa gihapon sang human activity sakop sang 6km extended danger zone. Pero ila gina kilala ang autonomy sang mga LGU. Sang Biyernes, sa interview sang media kay Mayor Añejo Nicor iya ginsiling nga depleted na ang pondo sang banwa.
Maka duha na sila ka beses nga nag pakig angut sa Department of Budget ang Management para sa approved nga pondo pero wala man sa gihapon sang feedback ini.
Suno kay de Asis may bilin pa nga mga IDP sa premises sang eskwelahan kaangay sa Cabacungan National High School – Masulog Extension kag sa mga barangay hall pero wala na sang may nabilin sa mga classroom. May mga 1,400 pa ang yara sa mga evacuation centers. Ang pagkaon nila ang DSWD na ang naga hatag.
Suno kay Gov Eugenio Jose Lacson, natalana pa ang liwat nga community kitchen para sa mga IDP.
“Along the road. Inside sila sang 6km. Ugaling ang main problem the LGU cannot fully support na sa ila. Ang LGU may letter of intention with the higher authority – OCD sa region and also sa national sa last week nga meeting”, suno kay de Asis.