Wala pa man makabaton sang show cause order gikan sa Department of the Interior and Local Government, nagpadala na sang paaathag si Mayor Melecio Yap sang Escalante City angut sa iya nga pagpabakuna kontra COVID-19.
Sa interview sang media suno kay Yap iya na nga ginpadala sa DILG ang iya nga sabat.
Suno kay Yap iya nga gin sakripisyo ang iya nga kaugalingon para sa programa.
Damlag pa ginsiling na ni Yap nga siya ang nagpabakuna sang covid 19 matapos nga makit an nga diutay lamang sa health workers ang gusto magpabakuna bangud sang pagpangduha duha, kag wala labot sini kinahanglan man nga magamit ang mga bakuna. Yara si Yap sa listahan sang quick replacement list. May lima ka iban pa nga elected officials nga nagpabakuna nga gin pangayuan sang paathag sang dilg. Suno naman sa presidente isa ka gray area ang amo nga bagay.
Samtang, wala pa man na plastar ang mga plano angut sa pulitika para sa 2022 sa Escalante City. Suno kay Yap, damalg pa iya na nasling nga luyag niya na mag retiro. Pero sa karon sila ang naga hulat sang pagplastar kag kun ano ang mangin desisyon sang mataas nga pamunuan sang partido.