Alkalde sang Dumaguete gin-withdraw ang iya ginhinyo nga authority to sign para sa kontrobersyal nga “smart city” reclamation project.
Nag padala na sang iya nga sulat sa Sangguniang Panlungsod si Dumaguete City Mayor Felipe Remollo para i withdraw ang iya damlag pa nga request para sa authority nga mag lagda sang memorandum of agreement sa tunga sang siyudad kag sang Em Cuerpo ang contractor para sa “smart city” project nga gina balabagan sang nagkalain lain nga grupo pati na sang pila ka mga residente.
Antes sang pag withdraw, duha ka beses naman nga gin approve sang konseho sang siudad ang pag grant sang request sang alkalde matapos man ini pamalabagan sang pila ka konsehal.
Magluwas sa pag withdraw sang request, luyag man sang alkalde nga i-defer ang pag serve sang notice of award sa Em Cuerpo bilang winning bidder tubtob ma review ini sang Philippine Reclamation Authority kag ma pasar ang bidding process sang PPP selection committee.
Ini sa tunga man sang mga pag kwestyon sang ila ikasarang sa pag himo sang proyekto.
Para naman sa grupo nga No to 174 Dumaguete Islands nga isa sa mga naga pamalabag sang proyekto, wala nila ini gina kalipay bangud padayon sa gihapon ang application sang siyudad sa pra para sa pag padayon sang proyekto.
Ang proyekto ang gina kabig sang nag kalain-lain nga grupo pati na sang simbahan nga maga hatag sang dako nga halit sa kadagatan kag marine life pati na sa palangabuhian sang mga mananagat sa siyudad.